शरद केळकर

आज (७ ऑक्टोबर) मराठी चित्रपट सृष्टीतील प्रख्यात अभिनेते शरद केळकर यांचा वाढदिवस आहे त्यानिमित्त त्यांना हार्दिक शुभेच्छा !!!!! शरद केळकर हे छोट्या पद्यावरील स्टार कलाकार आहेत, मागील वर्षी प्रदर्शित "लय भारी" या चित्रपटातून साकारलेल्या संग्राम या खलनायकाच्या भूमिकेने त्यांना मराठी चित्रपट सृष्टित नवीन ओळख मिळवून दिली आहे. या पूर्वी त्यांची जी वाहिनीवरची "सात फेरे" या मालिकेतील नहर प्रताप सिंगची भूमिका खुप गाजली होती. शरद केळकर हे मूळचे मध्यप्रदेश मधील ग्वालियरचे. एम बी ए चे शिक्षण पूर्ण केल्यानंतर मॉडलिंग विश्वात प्रवेश करून आता ते अभिनेते म्हणून नावारुपाला आले आहेत. त्यांनी ''सिन्दूर तेरे नाम का", "नच बलिये २", "पति पत्नी  और वो", "बैरी पिया", "सर्वगुण संपन्न", "उतरण", "कुछ तो लोग कहेंगे", "सैतान" आणि "एजेंट राघव" या मालिकांमधून अभिनय केला आहे. शरद केळकर यांनी संजय लीला भंसाली यांच्या "राम लीला" या चित्रपटातही महत्वाची भूमिका साकारली होती.