रेणुका शहाणे

आज (७ ऑक्टोबर) मराठी चित्रपट सृष्टीतील प्रख्यात अभिनेत्री रेणुका शहाणे यांचा वाढदिवस आहे त्यानिमित्त त्यांना हार्दिक शुभेच्छा !!!!! आमच्या बालपणीच्या आठवणी पैकी गोष्ट म्हणजे दर रविवारी लागणारी मालिका "सुरभि" आणि त्यात दिसणारे दोन हसरे चेहरे, त्यापैकी एक रेणुका शहाणे. त्या वेळेस ही मालिका अफाट लोकप्रिय झाली होती आणि या मालिकेची सूत्रसंचालिका रेणुका शहाणे सुद्धा. ''सर्कस" या दूरदर्शन वरील लोकप्रिय मालिकेत त्यांनी शाहरुख़ खान यांच्या सोबत अभिनय केला होता. "हम आपके है कौन" या अत्यंत गाजलेल्या चित्रपटात आदर्श सुनेची भूमिका त्यांनी केली. त्यांची हि भूमिका इतकी लोकप्रिय झाली की आज हि त्यांना याच भूमिकेसाठी ओळखले जाते. रेणुका शहाणे यांनी ''रीटा" हा चित्रपट सुद्धा दिग्दर्शित केला आहे. त्या हिंदी चित्रपट अभिनेता आशुतोष राणा यांच्याशी विवाहबद्ध झाल्या आहेत. अलीकडे त्यांनी मराठी चित्रपटात पुनरागमन केले असून त्या ''भाकरवाडी ७ किमी", "जाणिवा" आणि "हायवे" या चित्रपटात दिसल्या आहेत.