''टाइम पास २'' सोबतच सुमित राघवन अभिनीत ''संदूक'', संजय नार्वेकर व जीतेन्द्र जोशी अभिनीत ''जस्ट गम्मत'', सोनाली कुलकर्णी अभिनीत ''अग बाई अरेच्या २'', वैभव तत्ववादी व भूषण प्रधान अभिनीत ''कॉफी आणि बरेच काही'', संतोष जुवेकर अभिनीत ''बाइकर्स अड्डा'', सचिन खेडेकर अभिनीत ''शटर'' व जीतेन्द्र जोशी अभिनीत ''काकण'' या चित्रपटांचे ट्रेलर ही यू-टुब वर मराठी चित्रपट रसिकांचे लक्ष्य वेधून घेत आहे.
काही गोष्टी बघूनच प्रेक्षक चित्रपट बघायचा की नाही बघायचा हे ठरवतो, त्यापैकी ट्रेलर ही अत्यंत महत्वाची गोष्ट आहे. ट्रेलरच्या माध्यमातून चित्रपटाची गोष्ट व त्यातील युएसपी थोडक्यात प्रेक्षकांपर्यंत पोहचवता येते. त्यामुळे हल्ली मराठी चित्रपटाच्या ट्रेलर वरती ही बरेच काम होताना दिसून येते. त्यामुळेच प्रेक्षक मराठी चित्रपटाप्रमाणेच त्याचे ट्रेलर ही आवडीने बघतो किंबहुना कधी कधी तर ट्रेलर ची वाट बघत असतो. एकूण काय तर सामान्य प्रेक्षक चित्रपटाच्या ट्रेलर वरूनच त्यांचा दर्जा ओळखतो पण दर वेळेस त्याचे अंदाज खरे निघातीलच असेही नाही.
सध्या मराठी चित्रपटांची संख्या, निर्मिती मुल्ये व बजट मोठ्या प्रमाणावर वाढलेली आहेत. त्याच प्रकारे मराठी चित्रपटाची प्रसिद्धी व विपणन या क्षेत्रात वेग-वेगळे प्रयोग होताना दिसत आहे, कारण आता मराठी चित्रपटांमध्येही तीव्र स्पर्धा निर्माण झाली असून अधिकाधिक प्रेक्षकांपर्यंत पोहचवायचे असल्यास त्याला पर्याय नाही. सध्या मराठी चित्रपटाच्या प्रसिद्धिमध्ये सोशल मीडियाचा वापर हमख़ास करण्यात येतो, त्यात फेसबुक व यू-टुब यांचा वापर मराठी चित्रपटाच्या प्रसिद्धिसाठी खुप कल्पकतेने करण्यात येत आहे. यू-टुब वर वाढलेली मराठी चित्रपटाच्या ट्रेलरची संख्या ह्याचेच उदहारण आहे. यू-टुबच्या माध्यमातून येणाऱ्या चित्रपटाच्या प्रसिद्धिसाठी निशुल्क व वैश्विक माध्यम निर्मात्यांसाठी उपलब्ध आहे व त्याचा वापर ते करतायेत हे अत्यंत महत्वाचे आहे. हल्ली यू-टुब सोबतच मराठी चित्रपटाच्या बद्दल माहिती देणाऱ्या वेबसाइट्स वरती ही मराठी चित्रपटाचे ट्रेलर्स गाजत असतात.
No comments:
Post a Comment