भरत जाधव

आज (१२ डिसेम्बर) मराठी चित्रपट सृष्टीतील सुपर स्टार अभिनेते भरत जाधव यांचा वाढदिवस आहे त्यानिमित्त त्यांना हार्दिक शुभेच्छा !!!!! भरत जाधव यांनी शाहिर साबळे यांच्या मार्गदर्शना खाली "लोकधारा" मधून आपली अभिनय यात्रा सुरु केली. नंतर त्यांना "सही रे सही" नाटकातून ओळख मिळाली. त्यांच्या इतर नाटकांमध्ये "श्रीमंत दामोदर पंत", "ऑल द बेस्ट", "आमच्या सारखे आम्हीच" आणि "ढॅण्ट ढॅण" या नाटकांचा समावेश आहे. नाटकांमध्ये आणि चित्रपटांमध्ये दिग्दर्शक केदार शिंदे यांच्यासोबत त्यांची जोडी जमली. या जोडीनी अनेक यशस्वी नाटके व चित्रपट दिले आहेत. भरत जाधव हे त्यांच्या कॉमिक टाइमिंग साठी ओळखले जातात. "चिरंजीव" या त्यांच्या येणाऱ्या चित्रपटात ते अत्यंत वेगळया भूमिकेत दिसणार आहे.  

भरत जाधव यांनी अभिनय केलेले चित्रपट  

• वास्तव  (१९९९)
• खतरनाक (२०००)
• प्राण जाये पर शान न जाये (२००३)
• हाऊस फुल्ल (२००४)
• नव-याची कमाल बायकोची धमाल (२००४)
• खबरदार (२००५)
• पछाडलेला (२००५)
• सरीवर सर (२००५)
• माझा नवरा तुझी बायको (२००६)
• नामदार मुख्यमंत्री गणप्या गावडे (२००६)
• जत्रा (२००६)
• चालू नवरा भोळी बायको (२००६)
• गोलमाल (२००६)
• मुक्काम पोस्ट लंडन (२००७)
• बकुळा नामदेव घोटाळे (२००७)
• गलगले निघाले (२००८)
• साडे माडे तीन (२००८)
• गोंद्या मारतंय तंगडं (२००८)
• लग्नाची वरात लंडनच्या घरात (२००९)
• क्षणभर विश्रांती (२०१०)
• टाटा बिरला आणि मैना (२०१०)
• शिक्षणाच्या आयच्या घो (२०१०)
• जावई बापू जिंदाबाद (२०१०)
• झक मारली बायको केली (२०१०)
• बम बम बोले (२०१०)
• डावपेच (२०११)
• शहाणपण देगा देवा ! (२०११)
• झिंग चिक झिंग (२०११)
• फक्त लढ म्हणा (२०११)
• बाबुरावला पकडा (२०१२)
• नो एंट्री - पुढे धोका आहे (२०१२)
• दम असेल तर (२०१२)
• खो-खो (२०१२)
• येड्यांची जत्रा (२०१२)
• पुणे व्हाया बिहार (२०१३)
• सत ना गत (२०१३)
• श्रीमंत दामोदर पंत (२०१३)
• अग बाई अरेच्या २ (२०१५)
• पी से पी एम तक (२०१५)

रवी जाधव

आज (२२ सप्टेम्बर) मराठी चित्रपट सृष्टीतील आघाडीचे दिग्दर्शक रवी जाधव यांचा वाढदिवस आहे त्यानिमित्त त्यांना हार्दिक शुभेच्छा !!!!! जाहिरात क्षेत्रात काम केल्यानंतर त्यांनी २०१० साली ''नटरंग'' चित्रपट दिग्दर्शित करून मराठी चित्रपट सृष्टीत पदार्पण केले. त्यांच्या या पहिल्याच चित्रपटाला राष्ट्रिय चित्रपट पुरस्कारांमध्ये सर्वोकृष्ट मराठी चित्रपटाचा बहुमान मिळाला, त्यांना सर्वोकृष्ट दिग्दर्शासाठी जी गौरव पुरस्कार देण्यात आला.  यासोबतच अनेक चित्रपट सोहळ्यांमध्ये "नटरंग''ला अनेक पुरस्कार मिळाले. ''नटरंग''ने टिकिट खिडकीवर सुद्धा तूफान गर्दी खेचली. दिग्दर्शन, अभिनय, संगीत, नृत्य अशा सगळ्यालाच अंगासाठी ''नटरंग''चा गौरव करण्यात आला. त्यामुळे पदर्पणातच त्यांनी स्टार दिग्दर्शक अशी ओळख निर्माण केली व ती "बालगंधर्व", "बालक पालक", "टाईमपास", "टाईमपास २" आणि "बायस्कोप (मित्रा)" अशी वाढत गेली.

आता रवी जाधव हिंदी चित्रपट सृष्टीत पदार्पण करण्यासाठी सज्ज झाले आहेत. ते सध्या ''बैंजो'' या त्यांच्या आगामी हिंदी चित्रपटावर काम करत आहेत. त्यांच्याबद्दल अधिक माहिती जाणून घेण्यासाठी तुम्ही त्यांच्या www.ravijadhav.com या ऑफिसियल वेबसाईटला भेट देऊ शकता.