अमृता खानविलकर

आज (२३ नवंबर) मराठी चित्रपट सृष्टीतील प्रख्यात अभिनेत्री अमृता खानविलकर यांचा वाढदिवस आहे त्यानिमित्त त्यांना हार्दिक शुभेच्छा !!!!! अमृता खानविलकर यांनी आपल्या अभिनय आणि नृत्य कौशल्याने मराठी रसिकांची मने जिंकून घेतली आहे. "नटरंग" या चित्रपटातील "वाजले की बारा" या लावणीने त्या प्रकाश झोतात आल्या. २०१५ साली त्यांनी "नच बलिये" या कार्यक्रमाच्या सातव्या पर्वाच्या विजेतेपदावर आपले नाव कोरले. अभिनय आणि नृत्य यांच्यासोबतच सूत्र संचालनासाठी त्या प्रसिद्द आहेत, "कॉमेडी एक्सप्रेस" या कार्यक्रमाचे सूत्र त्यांनी केले होते. त्यांच्या विषयी अधिक माहिती जाणून घेण्यासाठी तुम्ही त्यांच्या www.amrutakhanvilkar.in या अधिकृत संकेतस्थळाला भेट देऊ शकता.  

अमृता खानविलकर यांनी अभिनय केलेले चित्रपट 

• गोलमाल (२००६)
• मुंबई सालसा (२००७)
• साडे माडे तिन (२००७)
• हॅट्रीक (२००७)
• कॉन्ट्रॅक्ट (२००८)
• फुंक (२००८)
• दोघात तिसरा आता सगळे विसरा (२००८)
• गैर (२००९)
• नटरंग (२०१०)
• फुंक - २ (२०१०)
• फिल्लम सिटी (२०१०)
• अर्जुन (२०११)
• फक्त लढ म्हणा..! (२०११)
• झकास (२०११)
• शाळा (२०११)
• सतरंगी रे (२०११)
• आयना का बायना (२०१३)
• बाजी (२०१५)
• वेलकम ज़िन्दगी (२०१५)
• कट्यार काळजात घुसली (२०१५)

किशोर कदम

आज (९ नवंबर) मराठी चित्रपट सृष्टीतील प्रख्यात गीतकार, अभिनेते व कवी किशोर कदम यांचा वाढदिवस आहे त्यानिमित्त त्यांना हार्दिक शुभेच्छा !!!!! 

ते सौमित्र या टोपण नावाने कविता लिहितात. त्यांचे "जावे कवितांच्या गावा" आणि "... आणि तरीही मी!" हे कवितासंग्रह प्रसिद्द झाले आहेत. त्यांना लिहिलेल्या गीतांचा अल्बम "गारवा" हा खुप गाजला. त्यांनी श्याम बेनेगल दिग्दर्शित "समर" या चित्रपटात महत्वाची भूमिका साकारली होती. या चित्रपटाला राष्ट्रिय चित्रपट पुरस्कारांमध्ये सर्वोकृष्ट चित्रपटाचा पुरस्कार प्राप्त झाला होता. "नटरंग" या मराठी रवी जाधव दिग्दर्शित मराठी चित्रपटातल्या पाण्डोबाच्या भूमिकेने त्यांना नविन ओळख मिळवून दिली. "मम्मो", "लिमिटेड माणुसकी", "संशोधन", "दिल पे मत ले यार", "ध्यासपर्व", "ब्लैक फ्राइडे", "शोभायात्रा", "कॉन्ट्रैक्ट", "फूँक", "एक कप च्या", "जोगवा", "मरेपर्यंत फाशी", "समान्तर", "प्रतिसाद", "बालगंधर्व", "तार्यांचे बेट", "बालक पालक", "हा भारत माझा", "अनुमती", "फँड्री", "रज्जो", "रेला रे", "स्पेशल २६", टूरिंग टॉकीज", "तुह्या धर्म कोणचा?", "अनवट", "मंजुनाथ", "पोस्टकार्ड", "सिद्धांत", "जाणिवा" आणि "हाईवे" या हिंदी आणि मराठी चित्रपटात भूमिका केल्या आहेत. त्यांच्या येणाऱ्या चित्रपटांमध्ये "चौर्य", "चिरंजीव", "दमलेल्या बाबाची कहानी", "घंटा", "गणवेश", "इश्क प्रेम लव" आणि  "परतु" या मराठी चित्रपटाचा समावेश आहे. या प्रत्येक चित्रपटात ते वेगवेगळ्या प्रकारच्या भूमिका साकारत आहेत.

शरद पोंक्षे

आज (१३ ऑक्टोबर) मराठी चित्रपट सृष्टीतील प्रख्यात अभिनेते शरद पोंक्षे यांचा वाढदिवस आहे त्यानिमित्त त्यांना हार्दिक शुभेच्छा !!!!! टि वी, नाटक आणि चित्रपट हि अभिनयाची सर्व माध्यम आपल्या समर्थ अभिनयाने गाजवणारे अभिनेते म्हणजे शरद पोंक्षे. "दामिनी", "अग्निहोत्र" आणि "वादळवाट" या मालिकांनी त्यांना घराघरात पोहचवले. त्यांनी अनेक नाटकात महत्वाच्या भुमिका केल्या असल्या तरी "मी नथूराम गोडसे बोलतोय" हे नाटक त्यांच्या कारकिर्दीमध्ये अतिशय महत्वाचे आहे. त्यांनी "हे राम", "८८ अंटोप हिल", "आखरी ख्वाहिश", "ब्लैक फ्राइडे", "ओटी कृष्णामाईची", "एक पल प्यार का", "गाढवाच लग्न", "तूच खरी घरची लक्ष्मी", "गोळाबेरीज", "तुकाराम", "देख तमाशा देख", "ब्लैक होम", "व्हाट अबाउट सावरकर" आणि "संदूक" या हिंदी व मराठी चित्रपटात भूमिका केल्या आहेत.

राजेश चिटणीस

आज (८ ऑक्टोबर) मराठी चित्रपट सृष्टीतील प्रख्यात अभिनेते राजेश चिटणीस यांचा वाढदिवस आहे त्यानिमित्त त्यांना हार्दिक शुभेच्छा !!!!! राजेश चिटणीस हे जेष्ठ अभिनेते व नकलाकार राजाभाऊ चिटणीस यांचे चिरंजीव आहेत. राजेश चिटणीस यांनी "झपाटलेला २" आणि "निशानी डावा अंगठा" या चित्रपटातून भूमिका साकारल्या आहेत. नागपूरच्या व्यावसायिक रंगभूमीवरील ''असे नवरे अश्या बायका" या नाटकात त्यांची प्रमुख भूमिका होती, सोबतच दरवर्षी ते झाडीपट्टी रंगभूमीमध्ये नवनवीन नाटकांच्या माध्यमातून सक्रीय असतात.