सई ताम्हणकर

मराठी चित्रपट सृष्टितील बोल्ड एंड ब्यूटिफुल अभिनेत्री न्हणजे सई ताम्हणकर, अतिशय कमी वेळात  अभिनयाच्या बळावर त्यांनी मराठी चित्रपट सृष्टित आपली वेगळी ओळख निर्माण केली आहे. मराठी चित्रपट सृष्टि सोबतच या वर्षी त्यांनी ''हंटर'' या हिंदी चित्रपटांमधून महत्त्वाची भूमिका साकारून हिंदी चित्रपट सृष्टित ही यशस्वी पदार्पण केले आहे, या आधी अगदी कारीयरच्या सुरवातीला त्यांनी ''ब्लैक एंड व्हाइट'' आणि ''गजनी'' या दोन मोठ्या हिंदी  चित्रपटातून भूमिका केल्या होत्या. स्वप्निल जोशी यांच्याबरोबर सईची जोडी विशेष गाजली, ''दुनियादारी'', ''मंगलाष्टक वन्स मोर'', ''प्यार वाली लव स्टोरी'' या चित्रपटांमधून हि जोडी प्रेक्षकांसमोर आली आहे. ''तू हि रे'' हा या जोडीचा आगामी चित्रपट सप्टेंबर महिन्यात प्रदर्शित होतोय. संजय जाधव, स्वप्निल जोशी व सई ताम्हणकर हे त्रिकुट आज मराठी चित्रपट सृष्टित यशाचे सूत्र मानले जाते. आज सई ताम्हणकर यांचा वाढदिवस आहे, त्या निमित्त त्यांना हार्दिक शुभेच्छा.

सई ताम्हणकर यांनी अभिनय केलेले  चित्रपट

• ब्लैक एण्ड व्हाइट (२००८)
• सनई चौघडे (२००८) 
• पिकनिक (२००८) 
• गजनी (२००८) 
• हाय काय .... नाय काय ….  (२००९)  
• बे दुने साढे चार (२००९)
• सुम्भरान (२००९)  
• अजब लग्नाची गजब गोष्ट (२०१०)
• मिशन पॉसिबल (२०१०) 
• रीटा (२०१०) 
• लालबाग परळ (२०१०)  
• झकास (२०११)
• राडा रॉक्स (२०११) 
• दोन घडीचा डाव (२०११) 
• पुणे ५२ (२०१२)  
• अशाच एका बेटावर (२०१२)
• गाजराची पुंगी (२०१२)
• विला (२०१२)
• नो एन्ट्री पुढे धोका आहे (२०१२) 
• अघोर (२०१२)
• बाबुरावला पकडा (२०१२) 
• धागेदोरे (२०१२)
• बालक पालक (२०१३)
• झपाटलेला २ (२०१३)
• दुनियादारी (२०१३)
• टाइम प्लीज (२०१३)
• अनुमति (२०१३)
• मंगलाष्टक वन्स मोर (२०१३) 
• तेंदुलकर आउट (२०१३)
• गुरु पौर्णिमा (२०१४)
• पोर बाजार (२०१४)
• प्यार वाली लव स्टोरी (२०१४) 
• पोस्ट कार्ड (२०१४)
• सौ शशि देवधर (२०१४)
• क्लासमेट्स (२०१५)
• हंटर (२०१५)
• तू हि रे (२०१५)

सई ताम्हणकर यांनी अभिनय केलेल्या टिवी मालिका

• फु बाई फु 
• या गोजिरवाण्या घरात 
• अग्नी शिखा 
• साथी रे 
• कस्तूरी 

मराठी सिनेमा बोल्ड होतोय

द्वीअर्थी संवाद व गाणी मराठी चित्रपटाला काही नवी नाहीत पण सध्या मराठी चित्रपट दिवसेंदिवस अधिकाधिक बोल्ड होताना दिसून येत आहे. मागील महिन्यात प्रदर्शित झालेला ''चित्रफित'' असो वा मराठी चित्रपटांमधील वाढत असलेले किसिंग सीन्स व बिकनी सीन्स याच गोष्टींकडे लक्ष्य वेधतात.

गजेन्द्र अहिरे यांनी ''नॉट ओनली मिसेस राउत '', ''त्या रात्रि पाऊस होता'', ''सुम्भरान'' व ''पारध'' सारख्या चित्रपटांमधून बोल्ड विषय अतिशय संवदेनशीलपणे हाताळले आहे. मागील काही वर्षात ''नटरंग'', ''लालबाग परळ'', ''काकस्पर्श'', ''रेला रे'', ''पुणे ५२'', ''बालक पालक'' व ''तप्तपदी'' असे अनेक बोल्ड विषय व बोल्ड सीन्स असलेले मराठी चित्रपट प्रदर्शित झालेले आहेत. गिरीश कुलकर्णी व सई ताम्हणकर यांच्या मधील बोल्ड सीन्स मुळे ''पुणे ५२''ची बरीच चर्चा झाली. ''नो एंट्री पुढे धोका आहे'' व ''अशाच एका बेटावर'' मधील सई ताम्हणकर यांच्या बिकनी सीन्सची ही बरीच चर्चा झाली. 

अलीकडच्या काळात मराठी मध्ये बरेच किसिंग सीन्स बघायला मिळाले आहे. त्यामध्ये उपेन्द्र लिमये व मुक्ता बर्वे यांचा ''जोगवा'', पुष्कर जोग व मानसी नाइक ''जबरदस्त'', आदिनाथ कोठारे व उर्मिला कानेटकर यांचा ''अनवट'' व ''दुभंग'', उमेश कामत व प्रिया बापट यांच्या ''टाइम प्लीज'', अमृता सुभाष यांच्या ''सैटरडे संडे'', स्वप्निल जोशी व सोनाली कुलकर्णी यांच्या ''मितवा'' मधील किसिंग सीनचा उल्लेख करता येईल.

बाजी

आज ''बाजी'' हा बहु-प्रतीक्षित मराठी चित्रपट प्रदर्शित झाला. ''बाजी''चे दिग्दर्शन ''पुणे ५२'' फेम निखिल महाजन यांनी केले आहे. ''बाजी''मध्ये श्रेयस तलपडे आणि अमृता खानविलकर यांची जोडी बघायला मिळणार आहे. ''बाजी''च्या निमित्ताने बऱ्याच वर्षांनंतर श्रेयस तलपडे मराठी चित्रपटांमध्ये नायकाच्या रुपात पुनरागमन करत आहेत. दुनियादारी नंतर पुन्हा एकदा या चित्रपटात जितेन्द्र जोशी खलनायकाच्या रुपात बघायला मिळणार आहे. ''बाजी''मध्ये रवी जाधव, नागराज मंजुळे आणि गिरिजा ओक पाहुण्या भूमिकेत आहेत. पहिला मराठी सुपरहीरो चित्रपट न्हणुन ''बाजी''चे प्रमोशन केले जात आहे.