सुबोध भावे

आज (९ नवंबर) मराठी चित्रपट सृष्टीतील प्रख्यात अभिनेते सुबोध भावे यांचा वाढदिवस आहे त्यानिमित्त त्यांना हार्दिक शुभेच्छा !!!!! 

सुबोध भावे यांनी चित्रपट, नाटक आणि टिवी मालिका या तिन्ही क्षेत्रात अभिनय केला आहे. सुबोध भावे यांनी "लोकमान्य - एक युगपुरुष" आणि "बालगंधर्व" या चित्रपटात लोकमान्य टिळक आणि बालगंधर्व यांची भूमिका साकारली. या दोन्ही  चित्रपटांसाठी त्यांना अनेक पुरस्कार प्राप्त झाले आहे. येत्या दिवाळीमध्ये १२ नवंबरला ''कट्यार काळजात घुसली" या चित्रपटाच्या निमित्ताने ते दिग्दर्शक म्हणून पदार्पण करीत आहेत. 

सुबोध भावे यांनी अभिनय केलेले चित्रपट 

• कट्यार काळजात घुसली  (२०१५)
• लोकमान्य - एक युगपुरुष (२०१५ )
• स्वामी पब्लिक लिमिटेड (२०१४)
• अनुमती (२०१३)
• टूरिंग टॉकीज (२०१३)
• बालक-पालक (बी.पी.) (२०१३)
• झाले मोकळी आकाश (२०१३)
• अय्या (हिंदी) (२०१२)
• भारतीय (२०१२)
• चिंटू (२०१२)
• पाऊलवाट (२०११)
• बालगंधर्व (२०११)
• झाले मोकळे आकाश (२०१०)
• ती रात्र (२०१०)
• रानभूल (२०१०)
• लाडीगोडी (२०१०)
• हापूस (२०१०)
• पाश (२०१०)
• कथा तिच्या लग्नाची (२००९)
• त्या रात्री पाऊस होता (२००९)
• क्षणोक्षणी (२००९)
• उलाढाल (२००८)
• एक डाव धोबी पछाड (२००८)
• मन पाखरू पाखरू (२००८)
• सखी (२००८)
• सनई चौघडे (२००८)
• आव्हान (२००७)
• माझी आई (२००७)
• श्री सिद्धीविनायक महिमा (२००७)
• मिशन चॅम्पियन (२००७)
• आईशपथ (२००६)
• क्षण (२००६)
• मोहत्यांची रेणुका (२००६)
• लालबागचा राजा (२००६)
• आम्ही असू लाडके (२००५)
• कवडसे (२००५)
• मी तुझी तुजीच रे (२००५)
• सत्तेसाठी काहीही (२००३)
• ध्यासपर्व (२००१)
• वीर सावरकर (२००१)
• संत बसवेश्वर (१९९०)

सोनाली कुलकर्णी

आज (३ नवंबर) मराठी चित्रपट सृष्टीतील प्रख्यात अभिनेत्री सोनाली कुलकर्णी यांचा वाढदिवस आहे त्यानिमित्त त्यांना हार्दिक शुभेच्छा !!!!!

सोनाली कुलकर्णी यांना आपण संवेदनशील अभिनेत्री सोबतच एक संवेदनशील लेखिका म्हणून ही ओळखतो. त्यांनी अनेक वर्षे लोकसत्ताच्या "विवा" या पुरवणीचे संपादन केले, त्यात त्यांनी लिहिलेल्या "सो कूल" या स्तंभावर आधारीत त्यांच नावाचे पुस्तक प्रकाशित झाले आहे. व्यावसायिक आणि कलात्मक असे दोन्ही प्रकारचे चित्रपट करतांना त्यात योग्य संतुलन त्यांनी साधले आहे. त्यांनी चित्रपट सृष्टितील आपली कारकीर्द गिरीश कर्नाड दिग्दर्शित "चेलुवी" या चित्रपटातून सुरु केली. त्यानंतर अनेक मराठी आणि हिंदी चित्रपटातून महत्वाच्या भूमिका त्यांनी केल्या आहेत. या चित्रपटांमध्ये "अग्निवर्षा", "कितने दूर कितने पास", "कैरी", "घराबाहेर", "जहा तुम ले चलो", "जुनून", "टॅक्सी नंबर ९२११", "डरना जरूरी है", "डॉ. प्रकाश बाबा आमटे", "डॉ. बाबासाहेब आंबेडकर", "दायरा", "दिल चाहता है", "दिल विल प्यार व्यार", "देवराई", "दोघी", "प्यार तूने क्या किया", "ब्राईड अँड प्रेज्युडिस", "मिशन कश्मिर", "मुक्ता", "सखी", "सिंघम" प्रमुख आहे. या वर्षी त्यांची प्रमुख भूमिका असणारा "अग बाई अरेच्या" हा चित्रपट प्रदर्शित झाला. त्यांना "फूॅक सु डी मी" या इटालियन चित्रपटासाठी मिलान अंतरराष्ट्रिय चित्रपट महोत्सावात सर्वोकृष्ट अभिनेत्रीचा पुरस्कार प्राप्त झाला. त्यांनी "खतरों के खिलाड़ी " व "झलक दिखला जा" या रियलिटी शो मध्ये भाग घेऊन आपल्या एक्शन आणि नृत्य कौशल्यासाठी कौतुक मिळवले. त्यांच्याबद्दल अधिक माहितीसाठी तुम्ही त्यांच्या www.sonalikulkarni.org या अधिकृत वेबसाइटला भेट देऊ शकता.  

अदिती सारंगधर

आज (१६ ऑक्टोबर) मराठी चित्रपट सृष्टीतील प्रख्यात अभिनेत्री अदिती सारंगधर यांचा वाढदिवस आहे त्यानिमित्त त्यांना हार्दिक शुभेच्छा !!!!! 

अदिती सारंगधर यांना त्यांच्या करीयरच्या सुरवातीला कांचन अधिकारी यांनी त्यांच्या "दामिनी" या मालिकेत संधी दिली . "दामिनी" नंतर "वादळवाट" या मालिकेतून त्यांना ओळख व लोकप्रियता मिळाली. स्टार प्रवाह वरील "लक्ष्य" या मालिकेतील सलोनी देशमुख भूमिकेनी त्यांना खुप प्रसिद्धि मिळवून दिली. राजन ताम्हने दिग्दर्शित "प्रपोजल" हे नाटक त्यांच्या कारकिर्दीतील मैलाचा दगड ठरत आहे. अदितीला या नाटकासाठी मटा सन्मान अवार्ड, जी गौरव अवार्ड आणि महाराष्ट्र राज्य व्यावसायिक नाट्य स्पर्धा या तिन्ही ठिकाणी सर्वोकृष्ट अभिनेत्रीचा पुरस्कार मिळाला. या नाटकाने सर्वच नाट्य पुरस्कारांमध्ये बाजी मारली.

टिवी मालिका व नाटकासोबतच त्यांनी अनेक मराठी चित्रपटांमध्ये भूमिका साकारल्या आहेत.    

लता मंगेशकर

आज (२८ सप्टेम्बर) भारतरत्न लता मंगेशकर यांचा वाढदिवस आहे त्यानिमित्त त्यांना हार्दिक शुभेच्छा !!!!!

मागील सात दशकांपासून लताजी भारतीय संगीताच्या क्षेत्रात आपल्या सुमधुर आवाजाने अधिराज्य गाजवत आहेत. त्यांना २००१ साली त्यांच्या भारतीय संगीत सृष्टीतील योगदानासाठी "भारतरत्न" या सर्वोच्च नागरी सन्मानाने गौरवण्यात आले आहे. त्यांना ''लता दीदी" या नावाने ओळखले जाते. लता दीदीने आपल्या बालपणी संगीत नाटकात बाल कलाकार म्हणून कामाला सुरवात केली. मास्टर विनायक यांनी त्यांना आपल्या चित्रपटात गाण्याची संधी दिली व त्यातील गाणी खुप गाजली. त्यानंतर हिंदी चित्रपटांमध्ये त्या काळच्या सर्वच दिग्गज संगीत दिग्दर्शकांबरोबर त्यांनी काम केले.