कादंबरी कदम

आज (१३ ऑक्टोबर) मराठी चित्रपट सृष्टीतील प्रख्यात अभिनेत्री कादंबरी कदम यांचा वाढदिवस आहे त्यानिमित्त त्यांना हार्दिक शुभेच्छा !!!!! कादंबरी मराठी चित्रपटांसोबतच हिंदी मालिकांमध्ये ही व्यस्त असतात. "कभी सौतन कभी सहेली" हि त्यांची पहिली हिंदी टिवी मालिका होती यानंतर त्यांनी "कहता दिल", "तीन बहुरानियाँ" आणि "संस्कार धरोहर अपनों की" या हिंदी मालिकांमधून भूमिका केल्या व लोकप्रियता मिळवली. "अजिंक्य", "आघात", "तुला शिकवीन चांगलाच धडा", "पटलं तर घ्या", "मंगलाष्टक वन्स मोअर", "ही पोरगी कुणाची", "क्षणभर विश्रांती" हे त्यांचे प्रमुख मराठी चित्रपट आहेत.

  

स्पृहा जोशी

आज (१३ ऑक्टोबर) मराठी चित्रपट सृष्टीतील प्रख्यात अभिनेत्री स्पृहा जोशी यांचा वाढदिवस आहे त्यानिमित्त त्यांना हार्दिक शुभेच्छा !!!!! 

आज मराठी चित्रपट सृष्टीमध्ये अभिनय करणाऱ्या युवा अभिनेत्रीमध्ये स्पृहा जोशी यांचे नाव आघाडीवर आहे. शाळेमध्ये असतानाच त्यांना गजेन्द्र अहिरे यांच्या "माय बाप" या चित्रपटात काम करण्याची संधी मिळाली. "अग्निहोत्र", "एका लग्नाची दूसरी गोष्ट", "उँच माझा झोका", "एका लग्नाची तीसरी गोष्ट" या मालिकांमुळे त्या लोकप्रियतेच्या शिखरावर पोहचल्या. स्पृहा जोशी यांचे "समुद्र" हे नाटक सध्या बरेच गाजतेय, त्यांच्या "नांदी" या नाटकाची बरीच चर्चा होती. अनेक दिग्गज कलाकारांसोबत स्पृहा जोशी यांनी "नांदी" मध्ये काम केले. त्यांचे  "पेईंग गेस्ट" आणि "बॉयोस्कोप (एक होता काऊ)" हे चित्रपट या वर्षी प्रदर्शित झालेत. स्टार प्रवाह या वाहिनीवर सध्या त्यांची "किचनची सुपरस्टार" हि मालिका सुरु आहे. 

त्या स्तंभलेखन करतात, कविता लिहितात आणि गीतलेखन ही करतात. त्यांनी लिहिलेल्या कविता त्यांच्या अभिनया इतक्याच प्रसिद्द आहेत. त्यांनी "बावरे प्रेम हे" आणि "डबल सीट" या चित्रपटासाठी गीतलेखन केले आहे. खास करून त्यांनी "डबल सीट" चित्रपटासाठी लिहिलेली गाणी खूपच श्रवणीय झाली आहे. त्याचा www.kangoshti.blogspot.in हा ब्लॉग वाचकांमध्ये खूपच लोकप्रिय ठरत  आहे.