भारत गणेशपुरे

भारत गणेशपुरे हे मूळचे विदर्भातील अमरावतीचे, संघर्षाच्या काळात हिंदी व मराठी चित्रपटांतून छोट्या भूमिका करून त्यांनी आपली कारकीर्द सुरु केली पण त्यांना खरी ओळख मिळाली ती ''फु बाई फु'' या कार्यक्रमातून. ते सागर कारंडे यांच्यासह ''फु बाई फु''च्या सातव्या पर्वाचे ते विजेते ठरले. विदर्भीयन बोलीमुळे त्यांनी आपली एक विशेष ओळख निर्माण केली. सध्या सुरु ''चला हवा येऊ दया'' या कार्यक्रमातील त्यांनी केलेल्या विविध भूमिका म्हणजे भन्नाटच. त्यात त्यांनी साकारलेला त्रुटरवाडीचा सरपंच विशेष गाजतोय. येत्या २८ ऑगस्टला प्रदर्शित होत असलेल्या ''शेगावीचा योगी गजानन'' या चित्रपटात त्यांची भूमिका आहे. आज (१५ ऑगस्ट) त्यांचा वाढदिवस आहे, त्या निमित्त त्यांना हार्दिक शुभेच्छा !!!  

भारत गणेशपुरे यांनी अभिनय केलेले चित्रपट 

• स्वामी पब्लिक लिमिटेड (२०१४)

• डॉ बाबा प्रकाश आमटे (२०१४) 

• पोस्टर बॉयज (२०१४)  

• भाकरवाडी ७ कि मी (२०१४) 

• कापूस कोंड्याची गोष्ट (२०१३)  

• गाजराची पुंगी (२०१३) 

• मेरीडियन (२०१३) 

• एक दार भानगडी फार (२०१३)

• पिपानी (२०१२)

• लंगर (२०१२) 

• उचला रे उचला (२०१२)  

• आम्ही सुभाष बोलची (२०११)

• प्रतिबिम्ब (२०११) 

• सगळ करून भागल (२०११) 

• सद्रक्षकनाय (२०११) 

• चल धर पकड (२०१०) 

• डेबू (२०१०) 

• टाटा बिरला आणि लैला (२०१०) 

• कोण आहे रे तिकडे (२०१०) 

• मीरा बाई नॉट आउट (२००८) 

• ये मेरा इंडिया (२००८)

• चेकमेट (२००८) 

• सख्खा सावत्र (२००८)

• एक चालीस की लास्ट लोकल (२००७) 

• ब्लैक फ्राइडे (२००४) 

• सातच्या आत घरात (२००४) 

• प्राण जाये पर शान ना जाये (२००३)

भारत गणेशपुरे यांनी अभिनय केलेल्या टिवी मालिका 

• फु बाई फु 

• चला हवा येऊ दया 

भारत गणेशपुरे यांनी अभिनय केलेले नाटक

• जस्ट हलक फुलक

ऑगस्ट महिन्यातील कलाकारांचे वाढदिवस

ऑगस्ट महिन्यातील कलाकारांचे वाढदिवस 

• ४ ऑगस्ट - दिलीप प्रभावळकर (अभिनेते)
• ६ ऑगस्ट - नितीन चंद्रकांत देसाई (कला दिग्दर्शक)
• ७ ऑगस्ट - नागेश भोसले (अभिनेते व दिग्दर्शक)
• ९ ऑगस्ट - ओंकार राऊत (अभिनेते) 
• १० ऑगस्ट - मंदार शिंदे (दिग्दर्शक) 
• १५ ऑगस्ट - भारत गणेशपुरे (अभिनेते) 
• १६ ऑगस्ट - महेश मांजरेकर (अभिनेते व दिग्दर्शक) 
• १६ ऑगस्ट - नितीन नंदन (दिग्दर्शक) 
• १७ ऑगस्ट - क्रांति रेडकर (अभिनेत्री व दिग्दर्शका) 
• १७ ऑगस्ट - सचिन पिळगांवकर (अभिनेते व दिग्दर्शक) 
• १७ ऑगस्ट - सुप्रिया पिळगांवकर (अभिनेत्री) 
• १८ ऑगस्ट - शांतनु रोडे (दिग्दर्शक)  
• २० ऑगस्ट - प्रसाद आचरेकर(दिग्दर्शक)  
• २१ ऑगस्ट - अजय गोगावले (संगीतकार) 
• २२ ऑगस्ट - हर्षित अभिराज (संगीतकार)  
• २४ ऑगस्ट - नागराज मंजुळे (अभिनेते व दिग्दर्शक) 
• २४ ऑगस्ट - वैशाली माडे (गायिका)  
• २५ ऑगस्ट - संदेश कुलकर्णी (दिग्दर्शक)  
• २६ ऑगस्ट - आशीष पुजारी (दिग्दर्शक) 
• २८ ऑगस्ट - अनंत नारायण महादेवन (दिग्दर्शक)  
• २९  ऑगस्ट - मानसी मोघे (अभिनेत्री)  
• ३०  ऑगस्ट - अनिल सुर्वे (दिग्दर्शक)

चला हवा येऊ दया

काल ''चला हवा येऊ दया'' या शो चे ७४ भाग पूर्ण झाले, आता ७५ व्या भागात काय धमाल होईल याची उत्सुकता सर्वांनाच आहे. या शो मध्ये मागील ७४ भागात मराठीतील जवळपास सर्वच दिग्गज कलाकारांनी हजेरी लावली आहे. ''लई भारी'' चित्रपटाच्या निमित्ताने या ''चला हवा येऊ दया''ची सुरूवात करण्यात आली होती. ५० व्या भागात ''बाजी''च्या निमित्ताने श्रेयस तळपदे यांनी या शो मध्ये हजेरी लावली होती.

एका पेक्षा एक दर्जेदार कलावंतांची फौज व उत्फुर्त विनोद हि ह्या शो ची खास वैशिष्ट्ये आहे. निलेश साबळे, भारत गणेशपुरे, भाऊ कदम, कुशल बद्रिके, सागर कारंडे, विनीत बोंडे, श्रेया बुगडे, मानसी नाईक हे सर्व कलाकार प्रत्येक भागात प्रेक्षकांचे निखळ मनोरंजन करतात. सेलिब्रिटी बदलत जातात पण हे सर्व कलाकार अगदी प्रत्येक भागात धमाल करतात. कित्येकदा तर सेलिब्रिटी पेक्षा हेच कलाकार जास्त भाव जाऊन जातात, किंबहुना हे सर्वच कलाकार आता सेलिब्रिटी झाले आहेत असे म्हणायला हरकत नाही. भारत गणेशपुरे यांनी रंगवलेला सरपंच, भाऊ कदम रंगवत असलेले डैडी, कुशल बद्रिके यांचा डायरेक्टर व सरपंचाचा मुलगा, सागर करंडे यांनी रंगवलेली स्त्री पात्रे, विनीत बोंडे यांचे छोटा मुलगा, श्रेया बुगडे यांनी रंगवलेले मिसेस बडबडे हे सर्व पात्र प्रेक्षकांच्या पसंतीस उतरलेली आहेत. तुषार देवल यांच्या उल्लेखाशिवाय हा लेख अपुरा आहे. त्यांचा ''जेम्स बैंड'' तर या शो ची जान आहे. शो च्या सुरवातीला प्रियदर्शन जाधव पण ''चला हवा येऊ दया'' मध्ये भुमिका करायचे पण त्यांना हा शो मध्येच सोडावा लागला. या शो मध्ये येणारे सेलेब्रिटी ही ''चला हवा येऊ दया'' चे नियमित प्रेक्षक व चाहते असल्याचे मान्य करतात.

''चला हवा येऊ दया''च्या निमित्ताने मराठी चित्रपट व नाटकांच्या प्रसिद्धीसाठी महत्वाचे व्यासपीठ उपलब्ध झाले आहे. मराठी चित्रपटांची हवा करण्यात ''चला हवा येऊ दया'' महत्वाची भूमिका बजावत आहे. ''चला हवा येऊ दया'' चे सर्वच एपिसोड हिट आहेत पण ''डॉ प्रकाश बाबा आमटे''च्या निमित्ताने करण्यात आलेला नाना पाटेकर, सोनाली कुलकर्णी यांच्या सोबतचा एपिसोड, टिम दुनियादारी, टिम हंटर सोबतचा एपिसोड माझे पर्सनल फेवरेट आहेत. ''चला हवा येऊ दया'' हा शो ''कॉमेडी नाइट्स विथ कपिल'' वर बेतलेला असल्याची या शो च्या चर्चा सुरवातीला होती. पण आपली ओळख निर्माण करण्यात हा शो पूर्णपणे यशस्वी झाला आहे.

टेलीविज़न सोबतच यूटुबवर सुद्धा या शो चे तितकेच दर्शक आहेत, हे येथे विषेश नमूद करायला हवे.