सचिन कुंडलकर

आज (२६ डिसेम्बर) मराठी चित्रपट सृष्टीतील प्रख्यात दिग्दर्शक सचिन कुंडलकर यांचा वाढदिवस आहे त्यानिमित्त त्यांना हार्दिक शुभेच्छा !!!!! सध्या चित्रपट सुष्टित कार्यरत असलेल्या संवेदनशील दिग्दर्शकांपैकी सचिन कुंडलकर हे आहेत. त्यांच्या प्रत्येक चित्रपटात मानवी संवेदनाच्या छटा बघायला मिळतात. आतापर्यंत त्यांनी "रेस्टॉरंट", "निरोप", "गंध", "हॅपी जर्नी" आणि "राजवाडे एंड सन्स" हे मराठी चित्रपट दिग्दर्शित केले आहे. हिंदीमध्ये त्यांनी "अय्या" हा चित्रपट दिग्दर्शित केला आहे. या चित्रपटात रानी मुखर्जी यांची प्रमुख भूमिका होती.

सचिन ककुंडलकर यांनी दिग्दर्शित केलेले चित्रपट

• रेस्टॉरंट (२००६)
• निरोप (२००७)
• गंध (२००९)
• अय्या (२०१२)
• हॅपी जर्नी (२०१४)
• राजवाडे एंड सन्स (२०१५)

''सिटीजन" आणि "राजवाडे एण्ड सन्स"

आज ''सिटीजन" आणि "राजवाडे एण्ड सन्स" हे दोन मराठी चित्रपट प्रदर्शित झाले आहेत आणि हे दोन्ही चित्रपट युवकांवर आधारित आहेत, हे विशेष.

अमोल शेटगे दिग्दर्शित ''सिटीजन" हा युवकांवर आधारित चित्रपट आहे. या चित्रपटात राजश्री लांडगे, राकेश वशिष्ठ, यतिन कार्येकर, पुष्कर श्रोत्री, उदय टिकेकर, नंदिता जोग, श्रीरंग देशमुख आणि माधव देवचके यांच्या प्रमुख भूमिका आहेत. 

सचिन कुंडलकर दिग्दर्शित "राजवाडे आणि सन्स" या चित्रपटात दोन पिढ्यांचा संघर्ष रेखाटण्यात आला आहे. या चित्रपटात अतुल कुलकर्णी, सचिन खेडीकर, मृणाल कुलकर्णी, सतीश आळेकर, ज्योति सुभाष, सिद्धार्थ मेनन, आलोक राजवाडे, मृगमयी गोडबोले, कृतिका देव, पौर्णिमा मनोहर, राहुल मेहेंदळे अशी दिग्गज आणि युवा कलाकारांची टिम आहे. या चित्रपटाच्या निमित्ताने अतुल कुलकर्णी चित्रपट निर्मिती क्षेत्रात उतरले आहे.   

''स्वामी पब्लिक लिमिटेड'' आणि ''हैप्पी जर्नी''

आज मराठीतील दोन दिग्गज दिग्दर्शकांचे चित्रपट प्रदर्शित झालेत,  गजेन्द्र अहिरे यांचा ''स्वामी पब्लिक लिमिटेड'' व सचिन कुंडलकर यांचा ''हैप्पी जर्नी''. 

आज प्रदर्शित झालेला गजेन्द्र अहिरे यांचा ''स्वामी पब्लिक लिमिटेड'' श्रद्धेचा बाजार या विषयावर आधारित आहे. ''स्वामी पब्लिक लिमिटेड''च्या माध्यमातून विक्रम गोखले, विनय आपटे, सुबोध भावे व चिन्मय मंडलेकर या जुन्या व नव्या कसदार अभिनेत्यांचा अभिनय बघायला मिळणार आहे.      

''अय्या'' मधून हिंदित पदार्पण केल्यानंतर सचिन कुंडलकर पुन्हा एकदा मराठी प्रेक्षकांच्या भेटीस आले आहे त्यांचा नविन सिनेमा ''हैप्पी जर्नी'' घेऊन. या चित्रपटामध्ये अतुल कुलकर्णी, प्रिया बापट, पल्लवी सुभाष यांच्या प्रमुख भूमिका आहेत.