काल ओम राऊत दिग्दर्शित व सुबोध भावे अभिनीत बहु-प्रतिक्षित चित्रपट ''लोकमान्य - एक युगपुरुष'' प्रदर्शित झाला. या चित्रपटाच्या घोषणेपासूनच या चित्रपटाविषयी लोकांमध्ये औत्सुक्य होते, सोबतच या चित्रपटाचे प्रोमोशन्स ही दणक्यात करण्यात आले. या चित्रपटाचा ट्रेलर लॉन्च झाल्यानंतर त्याला ५ लाखापेक्षा अधिक हिट्स मिळाले होते. या वरूनच या चित्रपटाविषयी असलेली उत्सुकता लक्षात येते. या चित्रपटाला प्रेक्षक व समीक्षांकडून सकारात्मक प्रतिसाद मिळत अाहे. या आधी सुबोध भावे यांनी रवी जाधव यांच्या ''बालगंधर्व'' या चित्रपटात बालगंधर्व यांची शीर्षक भुमिका केली होती. त्यानंतर आता ते लोकमान्य टिळक यांच्या भूमिकेत प्रेक्षकांच्या समोर येत आहे .
