चैतन्य ताम्हाणे

आज (१ मार्च) मराठी चित्रपट सृष्टीतील प्रख्यात दिग्दर्शक चैतन्य ताम्हाणे यांचा वाढदिवस आहे त्यानिमित्त त्यांना हार्दिक शुभेच्छा !!!!! चैतन्य ताम्हाणे यांना कोर्ट या त्यांच्या पहिल्याच चित्रपटाने राष्ट्रीय आणि अंतरराष्ट्रीय पातळीवर मान्यता मिळवून दिली आहे. जगभरातील अनेक चित्रपट महोत्सव गाजवल्यावर या चित्रपटाला ६२ व्या राष्ट्रीय चित्रपट पुरस्कारांमध्ये सर्वोकृष्ट चित्रपटाचा सुवर्ण कमळ सन्मान मिळाला. या चित्रपटाची कथा भारतीय न्याय व्यवस्थेच्या पार्श्वभूमीवर नारायण कांबळे या लोक शाहीराची गोष्ट सांगते.

युवा दिग्दर्शकांची गगन भरारी

मागच्या रविवारी राष्ट्रीय चित्रपट पुरस्कार सोहळ्यामध्ये राष्ट्रपती प्रणव मुखर्जी यांनी आपल्या भाषणात ''कोर्ट'' या मराठी चित्रपटाचे दिग्दर्शक चैतन्य ताम्हणे यांचा खास उल्लेख केला. युवा दिग्दर्शक चैतन्य ताम्हणे यांच्या ''कोर्ट'' या चित्रपटाने अंतरराष्ट्रीय चित्रपट महोत्सवामध्ये कामगिरीबद्दल राष्ट्रपती प्रणव मुखर्जी  यांनी गौरवोद्गार काढले. २८ वर्षाच्या या युवा दिग्दर्शकाने केलेल्या कामाबद्दल त्यांनी विशेष कौतुक केले. यातून दोन गोष्टी ठळकपणे दिसून येतात पहिली न्हणजे मराठी चित्रपटाने राष्ट्रीय व अंतरराष्ट्रीय पातळीवर निर्माण केलेली नवीन ओळख, दूसरी गोष्ट न्हाणजे युवा दिग्दर्शकांची गगन भरारी. मराठी चित्रपटांनी अगदी सुरवतीच्या काळापासून राष्ट्रीय व अंतरराष्ट्रीय पातळीवर आपली ओळख निर्माण केली असली तरी आता त्यात सातत्य येताना दिसून येत आहे.

''कोर्ट'' या चित्रपटासोबतच ''किल्ला'' या चित्रपटाने सुद्धा अंतरराष्ट्रीय चित्रपट महोत्सवांमध्ये पुरस्कारांवर आपले नाव कोरले आहे. या वर्षीचा सर्वोकृष्ट मराठी चित्रपटाचा राष्ट्रीय पुरस्कार ''किल्ला''ला मिळाला आहे. या चित्रपटाचे दिग्दर्शक अविनाश अरुण सुद्धा युवक आहेत. या चित्रपटाचा ट्रेलर ''टाईमपास २'' सोबत दाखवला जात आहे. शाळेतील मुलांच्या भावविश्वावर आधारित या चित्रपटाचा नितांत सुन्दर असा ट्रेलर सध्या मराठी रसिकांचे लक्ष वेधून घेत आहे. हा चित्रपट येत्या २६ जून ला प्रदर्शित होत आहे.    

सध्या मराठी चित्रपट सृष्टीला जी नवीन ऊर्जा प्राप्त झाली आहे त्यात हे चैतन्य ताम्हणे व अविनाश अरुण यांच्या सारख्या युवा दिग्दर्शकांचा नक्कीच महत्वाचा वाटा आहे. या दोन्ही दिग्दर्शकांचा हा पहिलाच चित्रपट असल्यामुळे त्यांच्या कडून भविष्य काळात चांगल्या कलाकृती बघायला मिळणार अशी अपेक्षा करुया. हिच गोष्ट मराठी चित्रपट अधिकाधिक समृद्ध होणार आहे, हे स्पष्ट करते. 

''कोर्ट'',''ते दोन दिवस'' आणि ''व्हाट अबाउट सावरकर''

आज ''कोर्ट'',''ते दोन दिवस'' आणि ''व्हाट अबाउट सावरकर'' हे तीन मराठी चित्रपट प्रदर्शित झालेत. या पैकी दोन चित्रपटाचे नागपूर कनेक्शन आहे. 

आज ''कोर्ट'' हा या वर्षीच्या राष्ट्रीय चित्रपट पुरस्कारांमध्ये सर्वोकृष्ट चित्रपटाचा सुवर्ण कमळ सन्मान मिळालेला चित्रपट प्रदर्शित झाला. युवा दिग्दर्शक चैतन्य ताम्हणे यांच्या ''कोर्ट'' या पहिल्याच चित्रपटाने त्यांना अंतरराष्ट्रीय पातळीवर मान्यता मिळून दिली आहे. या चित्रपटाची कथा भारतीय न्याय व्यवस्थेच्या पार्श्वभूमीवर नारायण कांबळे या लोक शाहीराची गोष्ट सांगते. या चित्रपटात वीरा साथीदार ''नारायण कांबळे'' यांच्या प्रमुख भूमिकेत दिसणार आहे. वीरा साथीदार मूळचे नागपूरचे असून ते लेखक, कवी व पत्रकार सुद्धा आहेत. या चित्रपटात चित्रपटाचे निर्माते विवेक गोम्बर ही एका महत्वाच्या भूमिकेत दिसणार आहे. अंतरराष्ट्रीय पातळीवर समीक्षकांनी गौरवलेला आणि अनेक राष्ट्रीय व अंतरराष्ट्रीय मिळालेला पुरस्कार मिळालेला ''कोर्ट'' आता प्रेक्षकांच्या कोर्टात दाखल झालाय.     

मोहन जोशी, अलका कुबल, अरुण नलावडे, विलास उजवणे, प्रसिद्धि आयलवार, चिन्मय देशकर यांची प्रमुख भूमिका असलेला ''ते दोन दिवस'' हा कौटुम्बिक चित्रपट प्रदर्शित झाला आहे. अती महत्त्वाकांक्षी पालकांची नियतीने घेतलेली परिक्षा आणि त्यांच्या भावभावनांची हृदयस्पर्शी कथा या चित्रपटातून मांडण्यात आली आहे. हा चित्रपट रूपाली कोंडेवार मोरे, संजय वाढई, देवेन्द्र बेलणकर व सोमेश्वर बालपाण्डे यांची निर्मिती असून या चित्रपटाच्या निमित्ताने नागपूरमधील हे रंगभूमीवरील प्रतिभावंत कलावंत निर्मितीच्या क्षेत्रात पाऊल टाकत आहेत. देवेन्द्र दोडके दिग्दर्शित ह्या चित्रपटाचे चित्रीकरण नागपूरला झाले आहे.

आज प्रदर्शित झालेला ''व्हाट अबाउट सावरकर'' हा वि दा सावरकर यांच्या विचाराने प्रेरीत एका युवकाची व त्याने केलेल्या संघर्षाची गोष्ट आहे. रुपेश कटरे व नितीन गावडे दिग्दर्शित या चित्रपटात शरद पोंक्षे, अविनाश नारकर, अतुल तोडंनकर, श्रीकांत भिडे व सारा श्रवण यांच्या प्रमुख भूमिका आहेत. या चित्रपटाच्या माध्यमातून वि दा सावरकर यांच्या विचाराची तरुण पिढीला ओळख करून देण्याचा प्रयत्न करण्यात आला आहे. 

पुन्हा एकदा राष्ट्रीय चित्रपट पुरस्कारांवर मराठीची ''सुवर्ण''मुद्रा

या वर्षी पुन्हा एकदा मराठी चित्रपटांनी राष्ट्रीय चित्रपट पुरस्कारांवर मराठीची ''सुवर्ण''मुद्रा उमटवलेली आहे. २०१४ चा सर्वोकृष्ट चित्रपटाचा सुवर्ण कमळ सम्मान चैतन्य ताम्हणे दिग्दर्शित ''कोर्ट'' या मराठी चित्रपटाला प्राप्त झालेला आहे. ''कोर्ट'' चित्रपट भारतीय न्याय व्यवस्थेच्या पार्श्वभूमीवर एका वृद्ध शाहीराची गोष्ट सांगतो. या चित्रपटाला या आधी अनेक राष्ट्रीय व अंतर-राष्ट्रीय चित्रपट महोत्सवांमधून पुरस्कारांसोबतच समीक्षकांचा अतिशय सकारात्मक प्रतिसाद प्राप्त झाला आहेत. या वरूनच मराठी चित्रपट सध्या किती उंच भरारी घेतोय हे स्पष्ट होते. हा चित्रपट येत्या १७ अप्रैलला प्रदर्शित होणार आहे.

''ख्वाडा'' या चित्रपटाचे  दिग्दर्शक बाबुराव कऱ्हाडे यांना विशेष जूरी पुरस्कार प्राप्त झाला सोबतच सर्वोकृष्ट ध्वनी संयोजनाचा पुरस्कारही ''ख्वाडा''साठी महावीर सब्बनवाल यांना प्राप्त झाला आहे. सर्वोकृष्ट बाल चित्रपटाचा पुरस्कार परेश मोकाशी दिग्दर्शित ''एलिज़ाबेथ एकादशी'' या चित्रपटाला प्राप्त झाला आहे. सर्वोकृष्ट मराठी चित्रपटाचा पुरस्कार अविनाश अरुण दिग्दर्शित ''किल्ला'' या चित्रपटाला मिळाला आहे. सर्वोकृष्ट लघुपटाचा मान रवी जाधव दिग्दर्शित ''मित्रा''ला मिळाला आहे.

गेल्या काही वर्षात मराठी चित्रपट राष्ट्रीय पुरस्कारांमध्ये सातत्याने बाजी मारताना दिसून येत आहे. २०० ४ ते २ ०१४ या गेल्या दहा वर्षाच्या कालावधीमध्ये मराठी चित्रपटांनी सातत्याने राष्ट्रीय चित्रपट पुरस्कारांमध्ये चमकदार कामगीरी केली आहे. उत्कृष्ट चित्रपट, दिग्दर्शन,अभिनय, संगीत, संहिता, संवाद अशा सर्वच क्षेत्रात मराठी चित्रपटांनी पुरस्कार आपल्या नावे केले आहेत. उत्कृष्ट सामाजिक चित्रपट व उत्कृष्ट बाल कलाकार या श्रेणीत तर कायम मराठी चित्रपटाचा वरचष्मा राहिला आहे. या वर्षी पुरस्कार मिळवण्याळया चित्रपटांसह गेल्या दहा वर्षात देवराई,उत्तरायण, गिरणी, एक सागर किनारी, इट्स प्रभात, द्विजा, डोम्बिवली फास्ट, शेवरी, टिंग्या, निरोप, जोगवा, गंध, हरीचंद्राची फैक्टरी, नटरंग, बाबू बैंड बाजा, चैंपियंस, मी सिंधुताई सपकाळ, मला आई व्याहाचय, पिस्तुल्या, देऊळ, शाळा, बालगंधर्व, विष्णुपंत दामले - बोलपटाचे मूकनायक, जय भीम कामरेड, ऐरावत,धग, अनुमती, संहिता, इन्वेस्टमेंट, फँड्री, अस्त, आजचा दिवस माझा या चित्रपटांनी, त्यातील कलवंतांनी व तंत्रज्ञांनी राष्ट्रीय पुरस्कार मिळवून मराठी चित्रपट सृष्टीला नवी भरारी दिली आहे. या सर्व नव-नवीन कथा, कल्पना, सामाजिक आशय, दिग्दर्शक, कलावंत व तंत्रज्ञांनी आपल्या मराठी चित्रपटांला अधिकाधिक समृध्द केले आहे.