काही दिवसांपूर्वी ''ढोलकी'' या मराठी चित्रपटाचा म्यूजिक लॉन्च सोहळा हिंदी चित्रपट सुष्टिचे महानायक साक्षात अभिताभ बच्चन यांच्या हस्ते पार पडला. या सोहळ्याची बरीच चर्चा झाली. त्यामुळे याचा फायदा चित्रपटाला नक्कीच होणार आहे. त्याच सोबत हिंदीतील मान्यवरांना मराठी चित्रपट सृष्टिबद्दल वाढत असलेले आकर्षण पुन्हा एकदा अधोरेखित झाले. सध्या मराठी चित्रपटांचे फर्स्ट लुक लॉन्च, म्यूजिक लॉन्च, ट्रेलर लॉन्च असे वेगवेगळे सोहळे/ कार्यक्रम होत असतात. या कार्यक्रमात हिंदी चित्रपट सृष्टितील मान्यवरांचा वाढता सहभाग नक्कीच सुखावणारा आहे. मागील आठवड्यात प्रदर्शित झालेल्या ''जाणिवा'' या चित्रपटाचा ट्रेलर लॉन्च सलमान खान यांच्या हस्ते करण्यात आला होता. तर त्या पूर्वीच्या आठवड्यात प्रदर्शित झालेल्या ''मनातल्या उन्हात'' या चित्रपटाचा म्यूजिक लॉन्च अनिल कपूर यांच्या हस्ते करण्यात आला होता. सध्या हिंदीतील कलवंतांना दाखवून आपल्या चित्रपटाची हवा निर्माण करण्याचा आणखी एक ट्रेंड सुरु झाला आहे. पण या सगळ्या गोष्टींचा फायदा जर चित्रपटाचा कंटेंट चांगला असेल तरच होतो हे हि महत्वाचे.
राजू देसाई व विशाल देसाई दिग्दर्शित ''ढोलकी'' मध्ये सिद्धार्थ जाधव, मानसी नाईक, कश्मीरा कुलकर्णी, सयाजी शिंदे, ज्योती चांदेकर यांच्या प्रमुख भूमिका आहेत.
राजू देसाई व विशाल देसाई दिग्दर्शित ''ढोलकी'' मध्ये सिद्धार्थ जाधव, मानसी नाईक, कश्मीरा कुलकर्णी, सयाजी शिंदे, ज्योती चांदेकर यांच्या प्रमुख भूमिका आहेत.
